УЕФА Испания миллий жамоаси аъзолари Родри ва Алваро Моратани Гибралтар ҳақидаги ҳайқириғи учун битта учрашувга дисквалификация қилди.

Ушбу ўйинчилар Евро-2024 финалида Англия устидан қозонилган ғалабадан кейин чемпионликни нишонлаш пайтида «Гибралтар – испанларники» дея ҳайқиришганди.

УЕФА ҳар икки футболчини спорт тадбиридан спортга боғлиқ бўлмаган баёнотлар учун фойдалангани сабаб битта ўйинга дисквалификация қилди. 

Шу тариқа, улар 5 сентябр куни Испаниянинг Миллатлар лигаси доирасидаги Сербияга қарши ўйинини ўтказиб юбориши кутилмоқда.