Илгиз Танташев 5 август куни Олимпиада яримфиналидан ўрин олган Марокаш — Испания (1:2) ўйинини бошқариб, 12-дақиқада «қизил фурия» футболчиси билан тўқнашув оқибатида жароҳат олганди.

ЎзФҲМ'нинг хабар беришича, ўзбекистонлик ҳакам тўпиғидан жароҳат олган ва аллақачон тикланиш бўйича муолажаларни бошлаб юборган. Қачон қайтиши эса кейинроқ маълум қилинади. 

Танташев жароҳат сабаб 13 август куни Элит Осиё Чемпионлар Лигаси саралаши доирасидаги «Ал Ғарафа» — «Сипоҳон»/«Шабоб Ал Аҳли» ўйинини ўтказиб юборадиган бўлди.