«Манчестер Сити» ҳужумчиси Хулиан Алварес Англиядан Испанияга кўчиб ўтади.

Инсайдер Фабрицио Романога кўра, аргентиналик ҳужумчи «Атлетико»га ўтишга розилик билдирган. Мадрид клуби Хулиан билан 5 йиллик шартнома имзолайди.

Қайд этилишича, Алварес «Манчестер Сити»нинг рекорд қийматдаги сотувига айланади. Мадрид клуби 24 ёшли ҳужумчи учун Манчестер жамоасига 75 миллион евро трансфер пули ва яна 20 миллион еврони бонус сифатида тўлайди.

Эслатиб ўтамиз, Алварес Аргентинанинг «Риверплейт» клубидан 2022 йил 14 миллион еврога «Сити»га ўтганди.