«ПСЖ» клуби «Бенфика»дан Жоау Невешни сотиб олганини эълон қилди.

Париж клуби ва португалиялик 19 ёшли яримҳимоячи ўртасида 5 йиллик шартнома имзоланган.

Аввалроқ, Франция клуби Невешнинг трансфери учун «Бенфика»га 60+10 миллион евро тўлаши ҳақида хабар берилганди. Футболчининг йиллик маоши эса 5 млн еврони ташкил этади.

Маълумот учун, Невеш якунланган мавсумда «Бенфика» сафида 55 ўйинда 3та гол ва битта ассист амалга оширган.