Эмил Смит Роу «Арсенал»дан «Фулҳэм»га ўтди.

Лондон клуби 24 ёшли яримҳимоячининг трансферини эълон қилди.

Эмил янги жамоаси билан 5 йиллик шартнома имзолади.

Аввалроқ трансфер қиймати «Фулҳэм» учун рекорд — 34 млн фунт (27 млн аниқ, 7 млн бонус) бўлиши хабар қилинганди.

Смит-Роу ўтган мавсумда Премер-лигада 13 та ўйинда майдонга тушиб, 1 та голли узатмани амалга оширган. У 2019/20 йилги мавсумда «Арсенал» сафида Премер-лигада дебют қилган. Яримҳимоячи ўша мавсумда Чемпионшипда «Ҳаддерсфилд»да ҳам ўйнаган, шундан сўнг у фақат «тўпчилар» сафида ҳаракат қилган.