Исмаила Сарр «Марсел»дан «Кристал Пэлас»га ўтди.

Инглиз клуби 26 ёшли вингер билан шартнома имзолаганини эълон қилди. Томонлар 5 йиллик битим тузишди. 

Evening Standard хабарига кўра, трансфер қиймати тахминан 12,7 млн фунтни ташкил қилган. 

Ўтган мавсумда Сарр Лига 1да 23 та ўйин ўтказиб, 3 та гол урган ва 4 та голли узатмани амалга оширган.

Сенегаллик футболчига Англия бегона эмас. У тўрт мавсум давомида «Уотфорд»да ўйнаган.