«Манчестер Юнайтед» «Бавария» билан ўнг қанот ҳимоячиси Носир Мазрауи трансфери борасида келишувга эришди, деб ёзади Foot Mercato. 

Манкунианликлар 26 ёшли марокашлик учун 25 млн евро тўлашади. 

«МЮ» ҳимоячиси Аарон Ван-Биссака эса тахминан 17 млн евро эвазига «Вест Ҳэм»га ўтади.

Мазрауи «қизил иблислар» бош мураббийи Эрик тен Ҳаг билан «Аякс»да бирга ишлаган. Ҳимоячи ўтган мавсумда Бундеслигада 19 та ўйинда 3 та голга ассистентлик қилган. 

Ван-Биссака эса ўтган мавсумда АПЛда 22 та баҳсда майдонга тушиб, 2 та голли узатмани ўз ҳисобига ёздириб қўйган.