Жон Оби Микел африкалик футболчиларни танқид қилди.

«Мен африкалик футболчилар ўз илдизларини намоён этишни истамасликлари ҳақида кўп гапирганман. Биз болалар ва уларнинг ота-оналари билан учрашувлар ўтказиб, шундай дедик: «Эшитинг, сиз нигерияликсиз, отангиз нигериялик, онангиз нигериялик, нега сиз ўз ватанингиз Нигерияни ҳимоя қилмайсиз?»

Улар жавоб беришади: «Биз Англия ва Франция миллий жамоасида ўйнашни хоҳлаймиз». Бошқа биров учун. Ва кейин улар кутишади ва кутишда давом этишади. 25 ёки 26 ёшга тўлганларида ҳам чақирув олишмаса, Нигерияга қўнғироқ қилишади.

Биз иккинчи вариант бўлмаслигимиз керак. Ўзингизнинг африкалик илдизларингиз билан, у жамоада ўйнашингиз билан фахрланишингиз керак.

Мен Африкада энг яхши футболчилар ўйнашини хоҳлайман. Агар сиз Англияда ўйнашга қарор қилсангиз, у ерда қолинг ва охиригача кутинг.

Чақирув олмай, 29 ёки 30 ёшга тўлгандан кейин «Оҳ, Нигерия Футбол Федерацияси, мен сиз учун ўйнашга тайёрман» деманг», — деди «Челси» клуби ва Нигерия миллий жамоаси собиқ яримҳимоячиси The Obi One подкастида.