Артём Довбикнинг агенти «Атлетико» ҳақида гапирди.

Алексей Люндовский мижозининг «Атлетико»га ўтиши бўйича музокаралар натижа бермагани ҳақидаги маълумотга изоҳ берди.

«Атлетико» — катта клуб, лекин биз уларда Артём учун жиддий лойиҳани кўрмадик ва уларнинг таклифи молиявий жиҳатдан Ла Лиганинг энг яхши тўпурари билан қизиққан бошқа клубларнинг таклифларидан анча паст», — деди Люндовский «Украина футболи»га берган интервюсида. 

Аввалроқ «Жирона» форвардининг «Атлетико»га трансфери Люндовскийнинг комиссия пулини ошириш бўйича талаби туфайли тўхтатилгани ҳақида хабар берилганди. Инсайдер Николо Скиранинг ёзишича, ҳужумчи «Рома» билан шартнома тузиш борасида келишувга эришган.