Францияда бўлиб ўтаётган Олимпиада ўйинларида аргентиналик футболчидан 50 минг евро ўғирланди.

Аввалроқ Аргентина олимпия жамоаси бош мураббийи Хавиер Маскерано Марокаш билан ўйиндан сўнг (1:2) Тиаго Алмада талон-тарож қилинганини айтганди. 

BFMTV хабарига кўра, футболчидан умумий қиймати 50 минг евролик тақинчоқлар ўғирланган. Қимматбаҳо буюмлар кийиниш хонасида йўқолган. Таъкидланишича, воқеа жойида хонага бостириб кириш ёки эшикни синдириш белгилари йўқ.

Яқин орада «Ботафого» яримҳимоячиси етказилган зарар миқдорини тасдиқловчи шикоят аризаси билан мурожаат қилади.