Серу Гирасси расман «Боруссия» футболчисига айланди.

Дортмунд клуби хабарига кўра, «Штутгарт» билан гвинеялик форвард трансфери бўйича келишувга эришилган. «Боруссия» Бундеслиганинг ўтган мавсумдаги тўпурарлар рўйхатида 28та гол билан Кейндан кейин 2-ўринни эгаллаган форвард билан 2028 йилгача мўлжалланган 4 йиллик шартнома имзолади. Футболчи жароҳати борлиги сабабли бир неча кундан кейин индивидуал тарзда шуғулланишни бошлайди.

Инсайдер Фабрицио Романога кўра, трансфер қиймати 18 миллион еврони ташкил этган.

Аввалроқ, гвинеялик 28 ёшли ҳужумчига «МЮ» қизиқиш билдираётгани ҳақида хабарлар тарқалганди.