Ўзбекистон профессионал футбол лигаси матбуот хизмати «Навбаҳор» клуби мураббийлар штабидаги ўзгаришлар ҳақида хабар берди.

«Навбаҳор» клуби Григорий Колосовский ҳамда Денис Тойменсов билан тузилган меҳнат шартномасини бекор қилди», - дейилади ПФЛ хабарида.

Самвел Бабаян «Андижон» - «Навбаҳор» (3:0) учрашувидан кейин истеъфога чиқарилгач, унинг ёрдамчиси Григорий Колосовский «Насаф»га қарши ўйинда (2:3) «Навбаҳор»ни бошлаб тушганди.

Tribuna.uz манбасига кўра, Самвел Бабаяннинг узоқ йиллик ёрдамчиси Григорий Колосовский ва яна бир қатор мутахассислар «Металлург»да иш бошламоқда. Бекобод клуби Суперлига 2-даврасига тайёргарликни ушбу мутахассис қўл остида бошлаган.

Суперлигада сўнгги ўринда бораётган ушбу жамоа 1-даврадан кейин Веско Стешевич бошчилигидаги мураббийлар штабини истеъфога чиқарган эди.