Испания миллий жамоаси бош мураббийи Хосе Луис де ла Фуэнте Евро-2024 яримфиналидан ўрин олган Францияга (2:1) қарши баҳсдан кейин ўз фикрлари билан ўртоқлашди. 

«Хурсандмиз. Яримфиналга чиққанимизда ҳам мамнун бўлгандик, энди эса янада хурсандмиз. Ўйинни ўқишни биладиган ва ажойиб тарзда ўйнаган ажойиб футболчилар билан фахрланамиз.

Баъзида спортни камтарлик билан қабул қилиш керак. Маълумки, бу босқичда барча рақиблар кучли. Футболчиларимиз ноёб муваффақиятларга эришишди, аммо биз тарих яратишда давом этмоқчимиз. Дам олишни эмас, Берлиндаги финалда жанг қилиш учун етарли мотивацияга эга бўлишни истаймиз.

Ҳимояда мукаммал ўйнадик, қарши ҳужумлар учун имкониятларга эга бўлдик ва хавфли вазиятлар яратдик. Рақиб бироз кўпроқ очилишини истадик. Умуман олганда, яхши ўйин ўтказдик, деб ўйлайман.

Финалда ким рақиб бўлиши муҳим эмас. Ҳар қандай рақиб кучли бўлади, биз уларни қучоқ очиб кутамиз. Ғалаба қозонишни истаймиз», — дея испанлар устозининг сўзларини келтиради Marca.