Люк Шоунинг фикрича, Жуд Беллингҳэм «Олтин тўп»ни қўлга киритиши керак.

Гарет Саутгейт бошчилигидаги жамоа Евро-2024 яримфиналида Нидерландияга қарши баҳс олиб боради. Ўйин 10 июл куни бўлиб ўтади. 

Жуд Беллингҳэм Англия миллий жамоаси сафида Еврода 5 та ўйин ўтказиб, 2 та гол урди. Аввалроқ, у «Реал» таркибида Испания чемпиони бўлди ва Чемпионлар Лигасида ғолиб чиқди. 

«Албатта, Жуд ажойиб мавсум ўтказди. У Чемпионлар Лигаси ва Ла Лигада ғалаба қозонди. Бу рўйхатга Еврони ҳам қўшсак, нега «Олтин тўп»ни олмаслиги керак?» – деди Англия миллий жамоаси ва «Манчестер Юнайтед» ҳимоячиси.