Санти Касорла «Реал Овиедо» билан шартномасини узайтирди.

39 ёшли яримҳимоячи бир мавсумлик янги битим имзолади.

Эслатиб ўтамиз, Касорла «Овиедо» тарбияланувчиси бўлиб, у клубга 2023 йилнинг ёзида қайтганди.

Ўтган мавсумда жамоа Испания Сегундасида 6-ўринни эгаллади ва Ла Лигага ўтиш учун плей-офф финалида «Эспаньол»га ютқазди (1:0, 0:2).

«Арсенал», «Вилярреал» клублари ва Испания миллий жамоасининг собиқ футболчиси ўтган мавсумда Сегундада 24 ўйинда майдонга тушиб, 4 та голли узатмани амалга оширди.