«Ан Наср» Муса Диабига қизиқмоқда.

Daily Mail хабарига кўра, Криштиану Роналду ўйнаётган жамоа «Астон Вилла» вингерини сотиб олиш имкониятини кўриб чиқмоқда. Риёд клуби бир йил олдин 24 ёшли францияликни «Байер»дан сотиб олишга уриниб кўрганди, аммо Муса Премер-лигага ўтишни танлаганди.

Шунингдек, «Ан Наср» ўтган ёзда «Бавария»дан сотиб олинган Садио Мане бўйича таклифларни тинглашга тайёр.

Диаби ўтган мавсумда АПЛда 38 та ўйин ўтказиб, 6 та гол урган ва 8 та голли узатмани амалга оширган.