Англия миллий жамоаси бош мураббийи Гарет Саутгейт Евро-2024 2-туридан ўрин олган Дания (1:1) билан ўйиндан сўнг ўз фикрларини билдирди.

«Икки ўйиндан кўнглимиз тўлмади. Келинг, қандай муаммоларимиз борлигини тушуниш учун чуқур таҳлил қилайлик. Кейинги бир неча кунни шунга сарфлаймиз. Даража юқорироқ бўлиши кераклигини биламиз. 

Қандай муҳитда эканлигимизни, атрофимизда қандай умидлар борлигини тушунишимиз керак. Бу қийинчиликдан ўтишимиз керак. Мен мураббийман, бу — менинг зиммамда. Ва биз қийин дамларни бошдан кечиришимиз керак. Хотиржам бўлиб, яхшиланиш йўлларини излашимиз керак.

Ўйин савиясини баҳона қила олмаймиз. Масъулиятни ўз зиммамизга олишимиз керак. Мен ҳимоячи бўлганман, шунинг учун бундай майдонда ўйнаш нима эканлигини тушунаман. Тўпнинг сакраб кетавериши жамоага муаммо туғдириши мумкин.

Кейн алмаштирилгани? У 5-6 ҳафта давомида 90 дақиқа ўйнамади. Жамоага тезлик ва куч қўшиш учун уни алмаштирдик. Бу барча ўзгартиришлар учун амал қилади.

Бизнинг прессинг етарли даражада шиддатли бўлмади, шунинг учун баъзи футболчилар пастга тушишга мажбур бўлди. Бизда қандай футболчилар борлигини тушунамиз. Охирги уч бўлимдагидан зичроқ ҳаракат қилиш йўлини топишимиз керак.

Бизда энг яхши чап қанот ҳимоячиси йўқ (Шоу жароҳатда). Бу — мувозанат масаласи.

Шунингдек, Кэлвин Филлипсни ушбу турнирга таклиф қилолмадик. Бизда бу ўйинчига ўринбосар йўқ. Бошқа вариантларни излашимиз керак эди», — дейди Саутгейт. 

Эътиборлиси, Филлипс ўтган мавсумда Премер-лигада 8 та баҳсда майдонга тушган ва бирортасида 90 дақиқа ҳаракат қилмаган. Яримҳимоячи «Манчестер Сити»да, февралдан эса «Вест Ҳэм»да ижара асосида ўйнаган.