Килиан Мбаппе июл ойи ўрталарида «Реал» футболчиси сифатида таништирилади.

3 июн, душанба куни Мадрид клуби франциялик форвард билан 5 йиллик шартнома имзолаганини эълон қилди.

Аввалроқ футболчининг расмий тақдимоти Евро-2024 дан кейин ўтказилиши малум бўлганди. L'Equipe хабарига кўра, маросим 15 ёки 16 июлда бўлиб ўтиши керак — аммо сана Франция миллий жамоасининг натижаларига қараб ўзгариши мумкин.

«Реал» тадбир куни «Сантияго Бернабеу»га 80 минг мухлис ташриф буюришига ишонмоқда. Клуб ҳужумчининг энг яхши ўйинлари тасвирини катта экранда намойиш этишни режалаштирмоқда ва салютлар шоуси уюштирилиши ҳам мумкин.