Россиянинг ЦСКА клуби жамоанинг янги устозини эълон қилди.

Москва клуби расмий сайти хабарига кўра, сербиялик Марко Николич билан келишувга эришилган. 

44 ёшли мураббий бунгача «Шабоб Ал-Аҳли» (БАА) клубини бошқарган ва клуб унинг қўл остида БАА чемпионати кумуш медалига эга чиққанди. Шунингдек, Николич 2020/21 йилги мавсумда «Локомотив» (Москва) мураббийи сифатида Россия Премьер-лигасида бронза медалига эга чиққанди.

Аввалроқ, «армиячилар»ни икки йил давомида бошқарган Владимир Федотов истеъфога чиқарилганди. 

Маълумот учун, Аббосбек Файзуллаев тўп сураётган клуб РПЛ жорий мавсумини 6-ўринда якунлаганди.