«Нефтчи» мураббийлар штабида ишлаётган собиқ футболчи Лутфулла Тўраев Чемпионлар Лигаси финалида қайси жамоага мухлислик қилишини айтди.

«Финални бутун дунё кутяпти. Мен «Реал»га мухлислик қиламан. Худо хоҳласа, мадридликлар ғалаба қозонади», — дейди собиқ яримҳимоячи «Бунёдкор»га (3:0) қарши ўйиндан сўнг Tribuna.uz мухбири билан суҳбатда.

Маълумот учун, Лутфулла Тўраев футболчилик фаолиятида «Нефтчи», ОКМК, «Фелда Юнайтед» (Малайзия), «Локомотив», «Бунёдкор»,  «Насаф» ва «Машъал» клубларида ўйнаган. У 2023 йил сўнгида бутсаларини михга илганди.

Бугун, 1 июн куни Чемпионлар Лигаси финалида «Реал» «Боруссия Д»га қарши ўйнайди. Беллашув Тошкент вақти билан 2 июнга ўтар кечаси 00:00да бошланади.