Деку «Барселона» Луис Диасни сотиб олишини истамоқда.

АS хабарига кўра, «кўк-анорранглилар» спорт директорига «Ливерпул» вингерининг ўйинлари ёқади ва айнан у асосий нишон саналади.

Менежер колумбиялик футболчини Нико Уилямс («Атлетик») ва Дани Олмодан («Лейпциг») афзал кўради.

Шунингдек, «Барселона» президенти Жоан Лапортага Диаснинг узоқ вақтдан бери испан клубига мухлис экани ёқади. 

Бу мавсумда 27 ёшли футболчи Премер-лигада 37 та ўйин ўтказиб, 8 та гол уришга муваффақ бўлди.