Криштиану Роналду бир мавсумда урилган голлар сони бўйича Саудия пролигаси рекордини янгилади.

«Ан Наср» форварди миллий чемпионатнинг сўнгги 34-турида «Ал Иттиҳод»га қарши ўйинда (4:2) дубл қайд этди. Бу португалиялик футболчининг ушбу мавсумдаги 34 ва 35-голлари бўлди.

Бунгача рекорд ҳозирда «Ал Иттиҳод»да ўйнаётган Абдураззоқ Ҳамидуллоҳга тегишли эди. Марокашлик форвард 2018/19 йилги мавсумда «Ан Наср» таркибида 34 та гол урганди.