Алваро Фернандес Каррерас ёзда «Манчестер Юнайтед»га қайтмайди.

«Бенфика» январ ойида ижарага олинган 21 ёшли ҳимоячини сотиб олганини эълон қилди. Футболчи билан 2029 йилгача шартнома имзоланди. 

Инсайдер Фабрицио Романонинг ёзишича, Португалия клуби Алваро учун 6 млн евро тўлаган. Шунингдек, «МЮ» испаниялик ҳимоячини қайтариб сотиб олиш ҳуқуқига эга бўлади. Бундан ташқари, манкунианликлар футболчининг кейинги трансферидан улуш олишади. 

Бу мавсумда Фернандес Португалия чемпионатида 11 та ўйин ўтказиб, 1 та гол урди.