Англия Кубоги финалида Манчестер клублари тўқнаш келишди. Унда «Манчестер Юнайтед» кутилмаганда амалдаги чемпион «Манчестер Сити»ни мағлубиятга учратди. 19 ёшли футболчилар — Гарначо ва Майнунинг голлари Гвардиола жамоасини «олтин дубл»дан маҳрум қилди. 

Шу тариқа «қизил иблислар» ўз тарихида 13-бор ушбу турнирда зафар қучишди. Бу борада фақат «Арсенал» олдинда — 14.

Тен Ҳаг жамоаси бу ғалаба орқали Европа Лигаси йўлланмасини ҳам қўлга киритди. АПЛда 6-поғонани эгаллаган «Челси» эса Конференциялар Лигасида ўйнайдиган бўлди. 

Англия Кубоги. Финал

Манчестер Сити — Манчестер Юнайтед 1:2

25 май, «Уэмбли»

Голлар: Доку (87) — Гарначо (30), Майну (39).

Манчестер Сити – Ортега, Уокер, Стоунз, Аке (Аканжи, 46), Гвардиол, Ковачич (Доку, 46), де Брюйне (Алварес, 56), Силва, Родри, Фоден, Ҳоланд.

Манчестер Юнайтед – Онана, Уан-Биссака, Варан, Мартинес (Эванс, 73), Далот, Амрабат, Майну, Фернандеш, Мактоминей (Маунт, 90+3), Гарначо (Линделёф, 90+3), Рэшфорд (Ҳойлунд, 74).

Огоҳлантиришлар: Майну (45), Алварес (90+7).