Лука Модричнинг «Реал»даги келажаги Тони Кроосга боғлиқ.

Журналист Хосе Луис Санчеснинг ёзишича, хорватиялик футболчи Мадрид клубида қолмоқчи ва маоши камайтирилишига ҳам рози.

Бироқ унинг кейинги тақдири Кроосга боғлиқ — агар немис қолса, у ҳолда Модрич клубни тарк этади. Аксинча, Тони кетса, Лукада қолиш имконияти пайдо бўлади.

Ҳар икки яримҳимоячининг шартномаси шу ёзда якунига етади.

Бу мавсумда 38 ёшли Модрич 43 та ўйин ўтказиб, 2 та гол урди ва 8 та голли узатмани амалга оширди. 34 ёшли Кроос эса 45 та баҳсда 1 та гол ва 8 та ассистни ўз ҳисобига ёздириб қўйди.