«Бавария» дарвозабони Мануэл Нойер ЕЧЛ яримфиналидаги «Реал» билан ўйиндан (1:2) сўнг ўз фикрларини билдирди. 

Немис клуби 2012 йилдан сўнг илк бор мавсумни совринсиз якунлайдиган бўлди. 

«Футбол ўйнаганлар ҳозир нималарни ҳис қилаётганимни билади. 85-дақиқагача 1:0 ҳисобида олдинда бориб, якунда турнирни тарк этганимиз аламли. 

Лондон томон яна бир қадам ташлагандик, ўзимизни финалда кўрдик. Ҳозир бошқа гапим йўқ», — дея мюнхенликлар посбонининг сўзларини келтиради УЕФА расмий сайти. 

Эслатиб ўтамиз, Нойер 88-дақиқада хатога йўл қўйгач, Мадрид клуби ҳисобни тенглаштирди. У Винисиуснинг зарбасидан сўнг тўпни ушлаб қола олмади ва Хоселу хатодан фойдаланди.