«Реал» Ла Лига чемпионлигининг тақдирлаш маросимини бошқа муддатга қолдирмоқчи.

Мадрид клуби 34-турдан сўнг 87 очко жамғариб, муддатидан аввал чемпионликни кафолатлади. 

Испания қироллик футбол федерацияси (RFEF) уларга кубокни 11 май куни – «Гранада» билан сафар баҳси олдидан ёки ўйиндан кейин топширишни режалаштирганди. Бироқ «Реал» тақдирлаш маросимини 14 майга кўчиришни сўради — шу куни клуб «Сантиаго Бернабеу»да «Алавес»ни қабул қилади. 

Мадридликлар «Гранада»га ҳурмат туфайли шундай қилишди. Улар чемпионликни Ла Лигадан тушиб кетиш арафасида турган жамоа майдонида нишонлашни исташмади.