Англия чемпионатининг 36-турида «Манчестер Сити» ўз майдонида «Вулверҳэмптон»ни тор-мор этди. Ҳоланднинг покери ва Алвареснинг голига Ҳван бир бор жавоб берди. 

Гвардиола жамоаси очколарини 82 тага етказиб, пешқадам «Арсенал»ни (83) таъқиб қилишда давом этмоқда. «Шаҳарликлар» захирасида бир ўйин ҳам бор. «Вулвз» 46 очко билан 11-поғонада қолди. 

АПЛ. 36-тур

Манчестер Сити — Вулверҳэмптон 5:1

4 май, «Этиҳад»

Голлар: Ҳоланд (12 пеналти, 35, 45+3 пеналти, 54), Алварес (85) — Ҳван Ҳи Чҳан (53).

Манчестер Сити – Эдерсон, Уокер, Аке (Стоунз, 69), Аканжи, Гвардиол, Ковачич, де Брюйне (Матеуш Нунеш, 79), Бернарду Силва (Доку, 80), Родри, Фоден (Грилиш, 80), Ҳоланд (Алварес, 82).

Вулверҳэмптон – Жозе Са, Аит-Нури, Семеду, Килмен, Гомеш, Буэно (Буэно, 71), Лемина (Беллгард, 46), Траоре, Гомес, Ҳван Ҳи Чҳан (Чирева, 87), Матеус Куня (Сарабия, 76).

Огоҳлантиришлар: Лемина (41), Семеду (45+2), Траоре (64), Гомес (66).