Таиландда ўтаётган футзал бўйича Осиё кубоги яримфинали доирасидаги иккинчи учрашувда Ўзбекистон миллий жамоаси турнирнинг фаворити Эронга қарши паркетга тушди.

Бангкокдаги учрашувнинг асосий вақтида вакилларимиз форслар билан жанговар дуранг қайд этишди – 3:3. Аброр Ахметжанов дублга эришган бўлса, эронликларнинг яна иккита голи автогол сифатида вакилларимиз номига ёзилди.

Қўшимча бўлимларда ҳам ҳисоб ўзгармагач, ҳакамлар жамоаларни пеналтилар сериясига таклиф этишди. Унда омад форсларга кулиб боқди – 5:4.

Шу тариқа, Эрон финалга йўлланма олиб, 28 апрел куни Осиё чемпионлиги номи учун мезбон Таиландга қарши паркетга тушади. Ўзбекистон эса 3-ўрин учун баҳсда Тожикистонга қарши ўйнайди. Бронза учун баҳс ҳам 28 апрел куни бўлиб ўтади.

Футзал. Осиё кубоги-2024. Ярим финал

Ўзбекистон – Эрон – 3:3. Пеналтилар серияси – 4:5.

Голлар: Суннатулла Жўраев 7, Аброр Ахметжанов 18, 35 – Машраб Одилов 6 автогол, Аброр Ахметжанов 24 автогол, Беҳрўз Азими 28.

Ўзбекистон: 12.Аббос Элмуродов, 4.Ихтиёр Ропиев, 6.Илҳом Ҳамроев, 8.Ҳусниддин Нишонов, 9.Элбек Тўлқинов.

Захира: 1.Суннат Анваров, 2.Фазлиддин Ботиров, 3.Машраб Одилов, 5.Суннатулла Жўраев, 7.Дилшод Раҳматов, 10.Акбар Усмонов, 11.Аброр Ахметзянов, 13.Меҳрож Худойбердиев, 14.Самариддин Беркинов.

Эрон: 1.Багир Муҳаммадий, 5.Муҳаммад Ҳуссайн, 10.Салар Оғапур, 11.Маҳди Карими, 14.Беҳруз Азими.