Массимилиано Аллегри мавсум сўнгида «Ювентус»ни тарк этиши мумкин, деб хабар беради Фабрицио Романо. 

Аллегри ёзда Турин клубидан кетиши кутилмоқда, гарчи унинг шартномаси 2025 йилнинг ёзигача мўлжалланган бўлса-да. 

Аллегри «Ювентус»га 2021 йил май ойида қайтган ва шундан бери соврин ютмади. Турин клуби айни вақтда А Серия турнир жадвалида пешқадам «Интер»дан 20 очко ортда қолиб, 3-ўринни эгаллаб турибди.

Италиялик мутахассиснинг «Ювентус»даги илк фаолияти 2014 йилдан 2019 йилгача давом этган. Бу вақт ичида клуб 11 та совринни қўлга киритган.