Лионел Месси жароҳати сабаб «Интер Майами»нинг навбатдаги ўйинини ўтказиб юбориши мумкин.

Бу ҳақда жамоа бош мураббийи Херардо Мартино гапирди.

КОНКАКАФ Чемпионлар кубоги 1/8 финали доирасида «Нешвилл»га қарши жавоб ўйинида (3:1) Месси гол ва ассистни ўз ҳисобига ёздириб қўйди. 2-тайм бошида эса ҳужумчи алмаштирилди.

«Унинг ўнг оёқ мушаклари ҳаддан ташқари зўриққан. Биз таваккал қилишни хоҳламаймиз. У ноқулайлик ҳис қилди. 

Менимча, Лео шанба кунги «Ди Си Юнайтед»га қарши баҳсда ўйнай олмайди», — деди Мартино  Goal нашрига.