11-раунд якунланганидан кейин мексикалик рақиб жангни давом эттира олмади. Бунгача у нокдаун ҳолатига ҳам тушганди.
25 феврал тонгида АҚШнинг Флорида штати Орландо шаҳрида бокс оқшоми ташкил этилди. Ушбу профессионал бокс оқшомининг 2-марказий жангида ярим ўрта вазн (–66,6 кг) тоифасида ўзбекистонлик Шаҳрам Ғиёсов (15-0, 9 КО) мексикалик Пабло Цезар Канёга (35-9-1, 25 КО) қарши рингга кўтарилди.
Жанг 12 раунд этиб белгиланганди, аммо 11-раунд якунланган пайтда Цезар Канё жароҳат олиб, жангни давом эттира олмади.
Ҳакамлар ғолибни очколар ҳисоблаш эвазига аниқлашди. Учала ҳакам ҳам Ғиёсовнинг ғалабасини эътироф этди (109-99).
Жангнинг учинчи раундида Шаҳрам рақибини нокдаун қилишга ҳам муваффақ бўлганди.
Shakram Giyasov DROPS Pablo Cesar Cano WITH A HUGE BODY SHOT ⚡️
— DAZN Boxing (@DAZNBoxing) February 25, 2024
Watch #BerlangaMcCrory Live on https://t.co/FoiaUucI53 pic.twitter.com/S4hj0IGcCc
Бу ўзбекистонлик боксчининг профессионал фаолиятидаги 15-ғалабаси бўлди, шундан тўққизта жанг муддатидан олдин якунланган.
Шу тариқа, Ғиёсов ярим енгил (–66,67 кг) вазн тоифасида WBA чемпионлик камарига мажбурий даъвогарга айланди.