«Реал» яримҳимоячиси Тони Кроос халқаро фаолиятини тиклашини маълум қилди.

Германиялик 34 ёшли футболчи «инстаграм»даги саҳифаси орқали Германия миллий жамоасига қайтишини эълон қилди.

«Йигитлар, қисқача айтаман: мартдан бошлаб яна Германия миллий жамоасида тўп сураман.

Нега? Чунки мендан бош мураббий шуни сўради, мен эса рози бўлдим. Аминманки, бу жамоа Евро-2024да кўпчилик ўйлаётганидан ҳам кўра кўпроқ нарсага қодир!» – дея ёзган Тони.

Эслатиб ўтамиз, Кроос 2021 йилда миллий жамоадаги фаолиятини якунлагани ҳақида эълон қилганди. Унинг «немис машинаси»даги сўнгги ўйини 2021 йил 29 июн куни Евро-2020 1/8 финали доирасидаги Англияга қарши ўйин (1:2) бўлганди.