«ПСЖ» президенти Носир Ал Хилайфий ҳужумчи Килиан Мбаппенинг Париж клубидаги келажаги ҳақида гапирди. 

«Албатта, Килианнинг қолишини хоҳлайман. У — дунёнинг энг яхши футболчиси, унинг учун энг яхши клуб — «ПСЖ». У ҳамма нарсанинг марказида

Мбаппе — қойилмақом футболчи, шу билан бирга ажойиб инсон. У Франция Суперкубогидан кейин айтганидек, мен билан келишуви бор.

Тафсилотлар ўртамизда қолади, бу келишув нима эканлигини ошкор қилишни истамайман. Лекин у мавжуд.

Пул ҳақида гапирмоқчи эмасман. Бизда жентлменлар келишуви бор, унинг пулга алоқаси йўқ.

Бу — футболчи ва президент, спорт директори ва мураббий ўртасидаги келишув. Бу шартномадан кўра кучлироқ», — дея «ПСЖ» раҳбарининг сўзларини келтиради RMC Sport.