Криштиану Роналду 2024 йилда ҳам энг яхши тўпурарга айланмоқчи эканини маълум қилди.

Португалия миллий жамоаси ҳамда «Ан-Наср» клубининг 38 ёшли форварди 2023 йилда энг кўп – 54та голга муаллифлик қилди. У бу борада Ҳарри Кейн ва Килиан Мбаппени 2та голга, Эрлинг Ҳоландни 4та голга ортда қолдирди.

– Йилнинг энг яхши тўпурари бўлдингиз. Таассуротларингиз қандай?

– Бахтиёрман. Бу йил мен ва жамоам учун яхши ўтди. Шунча голларим билан «Ан-Наср» ва Португалия миллий жамоасига катта ёрдам бердим.

Бу натижадан фахрланаман. Ўзимни жуда яхши ҳис қиляпман, бу ерда бахтиёрман. Кейинги йилда буни такрорлашга уринаман», - дейди Роналду клуб расмий сайтига.