Лионел Месси Аргентинада йилнинг энг яхши спортчиси деб тан олинди.

«Интер Майами» клуби ва Аргентина миллий жамоаси ҳужумчиси Буэнос-Айрес спорт журналистлари жамияти томонидан бериладиган «Олтин Олимпия» мукофотини олди.

Месси 4-марта Аргентинанинг энг яхши эркак спортчиси деб топилди. Шунингдек, у йилнинг энг яхши футболчиси совринини ҳам қўлга киритди. 

Энг яхши аргентиналик спортчи аёл учун мукофот 3000 метрга тўсиқлардан югуриш бўйича Жанубий Америка рекордини ўрнатган Белен Касеттага топширилди.