Лионел Мессининг футболкалар коллекцияси аукционда сотилди.

Ноябр ойида Ню-Йоркдаги аукционда Аргентина миллий жамоаси ҳужумчиси ЖЧ-2022да ўйнаган 6та футболка аукционга қўйилганди. Тўпламда Мессининг гуруҳ босқичидаги икки ўйинда, 1/8 финал, чоракфинал, яримфинал ва финалда кийган футболкалари жой олган.

Сотувдан тушган маблағ 7 803 000 долларни ташкил этди. 

Аввалроқ маблағнинг бир қисми хайрия ишларига йўналтирилиши хабар қилинганди.

Маълумот ўрнида, спортда сотилган энг қиммат либос Майкл Жорданнинг 1998 йилги НБА финалидаги формаси бўлиб қолмоқда. У кимошди савдосида 8,1 млн фунт стерлингга сотилган.