Ҳакамни урган «Анкарагужу» президенти ортиқ футболда ишламайди.

Туркия чемпионатида «Ризеспор»га қарши ўйинда (1:1) Фарук Кожа майдонга югуриб чиқиб, ҳакам Халил Мелернинг юзига мушт туширганди. Ҳакам йиқилгач, яна икки киши уни тепкилаганди. 

Туркия ФФ тартиб-интизом қўмитаси Кожани футболдан умрбод четлаштирди, «Анкарагужу» эса бу воқеа учун 2 млн лира (62 800 евро) ҳамда мухлисларнинг ҳатти-ҳаракати учун 200 минг лира (6280 евро) жаримага тортилди. Шунингдек, клуб энди 5та ўйинни томошабинларсиз ўтказади. 

Шунингдек, йиқилган ҳакамни тепган «Анкарагужу» ходимларига жарима ва умрбод дисквалификация ҳам қўлланди.