ФИФА 2023 йилнинг энг яхши ўйинчиси номи учун даъвогарлар якуний учлигини маълум қилди.
The Best соврини учун якуний рўйхатдан Эрлинг Ҳоланд («Манчестер Сити» / Норвегия), Килиан Мбаппе («ПСЖ» / Франция) ва Лионел Месси («Интер Майами» / Аргентина) жой олди.
Бунгача соврин учун курашаётган 9 футболчи – Кевин де Брюйне («Манчестер Сити»), Бернарду Силва («Манчестер Сити»), Хвича Кварацхелия («Наполи»), Хулиан Альварес («Манчестер Сити»), Илкай Гундўған ( «Манчестер Сити» / «Барселона»), Родри («Манчестер Сити»), Виктор Осимҳен («Наполи»), Деклан Райс («Вест Ҳэм» / «Арсенал») ва Марцело Брозович («Интер» / «Ан-Наср») курашдан чиқди.
Маълумот учун, рўйхатни шакллантиришда ўйинчиларнинг 2022 йилнинг 19 декабридан 2023 йилнинг 20 август кунига қадар натижалари инобатга олинган. Яъни, ЖЧ-2022даги иштироки киритилмаган. Ғолиб номи 15 январ куни бўлиб ўтадиган тақдирлаш маросимида эълон қилинади.
Эслатиб ўтамиз, ўтган йили ушбу соврин Лионел Мессига топширилганди.