Жозе Моуриньо Бразилияни бошқаришга умид қилмоқда.

UOL'нинг таъкидлашича, португалиялик мутахассиснинг Жанубий Америка жамоаси билан ишлаш нияти бор. 

60 ёшли мураббий «Рома» билан шартномасини узайтиришни режалаштирмаяпти ва фаолиятини давом эттириш учун Бразилия миллий жамоасини энг яхши вариант деб ҳисобламоқда.

Шунингдек, Жозе Евро-2024дан кейин бўш ўрин пайдо бўлса, Европанинг бирор миллий жамоасини ҳам бошқариши мумкин.

Моуриньонинг «Рома» билан шартномаси 2024 йилнинг ёзигача амал қилади. Клуб 12-турдан кейин А Серияда 5-ўринни эгаллаб турибди.