Италия А Серияси 11-тури доирасида «Рома» қийин ғалабага эришди.

«Лечче»ни қабул қилган Моуриньо шогирдлари 71-дақиқада гол ўтказиб, мағлубиятга яқин эди. Аммо захирадан майдонга тушган Сардор Озмун 90+1-дақиқада, Лукаку эса 90+4-дақиқада гол киритиб, Рим клубининг камбэкига сабаб бўлди – 2:1.

Шу тариқа, римликлар 17 очко билан 8-ўринга кўтарилишди. «Лечче» эса 13 очко билан 11-ўринда бормоқда.

А Серия. 11-тур

Рома – Лечче 2:1

Голлар: 0:1 – 71 Альмквист, 1:1 – 90+1 Озмун, 2:1 – 90+4 Лукаку.

Ноаниқ пеналти: Лукаку (дарвозабон), 5.

Рома – Руй Патрисиу, Карсдорп (Залевски, 78), Льоренте, Манчини (Кристенсен, 78), Ндика, Кристанте, Ауар (Озмун, 73), Бове (Саншеш, 70), Дибала, Лукаку, Эль-Шаарави (Белотти, 78).

Лечче – Фальконе, Жандре, Баскиротто, Понграчич, Доргу (Галло, 62), Рамадани, Рафья (Гонсалес, 62), Каба, Банда (Стрефецца, 74), Альмквист (Туба, 80), Крстович (Пикколи, 80).

Огоҳлантиришлар: Банда (17), Доргу (27), Саншеш (76), Рамадани (77), Туба (81), Стрефецца (87), Льоренте (89), Лукаку (90+4).