Каземиро яна жароҳат олди.

«Манчестер Юнайтед» Лига Кубоги 1/8 финалида «Нюкасл»га мағлуб бўлди (0:3) ва турнирдан чиқиб кетди. Бразилиялик футболчи танаффусда алмаштирилди ва унинг ўрнига Софян Амрабат тушди.

Эрик тен Ҳаг яримҳимоячининг алмаштирилишини биринчи бўлим охирида олган жароҳати билан изоҳлади. «МЮ» устози Каземиронинг «Фулҳэм»га қарши шанба куни бўлиб ўтадиган ўйинда иштирок этишини рад этди.

«Танаффус олдидан у жароҳат олди. Шунинг учун алмаштириш керак эди.

У қанча муддатни ўтказиб юборишини айта олмайман. Яна 24 соат кутишимиз керак. Лекин, менимча, у шанба куни аниқ майдонга тушмайди», — деди тен Ҳаг ўйиндан кейинги матбуот анжуманида.