МЛСнинг энг яхши янги ўйинчисига аталган соврин Лионел Месси эмас, Георгиос Якумакисга насиб этди.

МЛСнинг янги аъзосига топшириладиган соврин учун Якумакисдан ташқари, «Интер Майами» форварди Месси ва Эдуард Левен («Сент-Луис Сити») ҳам даъвогарлик қилаётган эди.

Аммо якунда ташкилотчилар мавсумнинг энг яхши янги ўйинчиси совринини «Атланта Юнайтед»нинг 28 ёшли грециялик форвардига топширишди. У МЛСдаги 28 ўйинида 17та голга муаллифлик қилди.

Маълумот учун, аргентиналик 36 ёшли форвард Майами клуби сафида МЛСдаги 6 ўйинда битта гол ва 2 ассистга муаллифлик қилганди. «Интер Майами» МЛС Шарқий минтақасида 14-ўринни эгаллади.