Грециянинг «Пансерраикос» клуби сафида фаолият бошлаган Жалолиддин Машарипов жамоанинг энг қимматбаҳо ўйинчисига айланди.

Transfermarkt порталига кўра, «Пансерраикос» клуби Греция чемпионатида 14 клуб орасида умумий 10,3 млн евро нарх билан 12-ўринда бормоқда. Жамоадаги энг қимматбаҳо ўйинчи эса Жалолиддин Машарипов бўлиб турибди. Ўзбекистон миллий жамоаси аъзосининг ҳозирги трансфер баҳоси 2 миллион еврони ташкил қилмоқда.

Машариповгача «Пансерраикос» клубининг энг қимматбаҳо ўйинчиси Костас Пилас саналарди – 500 минг евро.

Маълумот учун, «Пансерраикос» клуби Греция Суперлигаси 8-туридан кейин 9 очко билан 8-ўринда бормоқда.