Ўзбекистонлик боксчи Баҳодир Жалолов Саудия Арабистонида ўтказилаётган бокс кечасида расмий меҳмони сифатида иштирок этиб, супероғир вазн тоифасидаги WBA Super, IBF, WBO ва IBO камарлари соҳиби украиналик Олександр Усик билан учрашди.
Боксчилар спорт залида ўзаро кўришиб, яқин келажакда ўзаро рингга чиқишларини дўстона «кўз уриштириш» орқали маълум қилган.
«Бутун Ўзбекистон бу жангни кутаётганини сезиб турибман, агар ҳаммаси фақат менга боғлиқ бўлганида эртагаёқ рингга чиққан бўлардим. Биз бутун дунёга ҳақиқий классик жангни намойиш этардик. Омад сенга, чемпион!», - дея ёзади Баҳодир Жалолов твиттердаги саҳифасида.
I feel that, whole Uzbekistan is waiting for this fight and if it were up to me I would get into the ring tomorrow!
— Bakhodir Jalolov (@BakhodirJalolov) October 28, 2023
We could show the whole world a real classic boxing!
Good luck to you Champion @usykaa pic.twitter.com/LuONPck68K
Эслатиб ўтамиз, ўзбекистонлик 29 ёшли боксчи 27 август куни нигериялик Онорёде Эвариемени мағлуб этиб, профессионал боксдаги ғалабали сериясини 13 жангга етказди. У барча жангларида муддатидан аввал ғалаба қозонган.
Аввалроқ, Жалолов промоутер Боб Арумга (Топ Ранк) Олександр Усик ёки Жошуа сингари исталган рақибга қарши жанг қилишга тайёрлигини маълум қилганди.