ФИФА кунлари доирасида Малайзияда анъанавий Мердека кубоги ўтказилди.

Турнир яримфиналида Малайзия миллий жамоаси Ҳиндистонни мағлуб этиб, финалда Тожикистонга қарши майдонга тушди. Куала-Лумпурда ўтказилган бугунги баҳсда қўшниларимиз мезбонлар устидан ғалабага эришди. Тошкентнинг «Локомотив» клуби форварди Рустам Соиров голи билан ҳисобни очган бўлса, Шаҳром Самиев иккинчи голга муаллифлик қилди – 2:0.

Финалда Пётр Сергт мураббийлигидаги қўшниларимиз сафида «Нефтчи» ҳимоячиси Зоир Жўрабоев, «Локомотив» ҳимоячиси Манучеҳр Сафаров ва «Бухоро» яримҳимоячиси Муҳаммаджон Раҳимов майдонга тушди.

Мердека кубоги-2023. Финал

Малайзия – Тожикистон – 0:2

Голлар: Рустам Соиров, 44 (0:1). Шаҳром Самиев, 88 (0:2).

Куала-Лумпур. Букит Жалил стадиони.

Эслатиб ўтамиз, Ўзбекистон миллий жамоаси ҳам ўз тарихида ушбу турнир бош совринига эга чиққанди.