Криштиану Роналду Чемпионлар лигаси 2-тури доирасидаги «Ан-Наср» - «Истиқлол» (3:1) ўйинидан кейин фикрларини билдирди.

Саудия клуби Тожикистон клубини қабул қилиб, 1-таймдан кейин мағлуб бўлаётганди, аммо Роналдунинг 66-дақиқадаги голидан кейин вазият ўзгарди ва якунда мезбонлар 3:1 ҳисобида зафар қучди. Шу куни португалиялик форвард ОЧЛдаги илк голини киритди.

«Жамоамиздан яхши ўйин ва ғалаба! Осиё Чемпионлар лигасида илк голимни киритганимдан бахтиёрман. Ғалабали юришни давом эттирамиз!», - дея ёзади Роналду ўйиндан кейин.

Ар-Риёд жамоаси 2 ғалабадан кейин 6 очко билан гуруҳда пешқадамлик қилмоқда.