Юлиан Нагельсманн Германия миллий жамоасининг янги бош мураббийига айланади.

Bild хабарига кўра, Немис футбол иттифоқи (DFB) 36 ёшли мутахассис билан ҳамкорлик масаласида келишувга эришди. Нагельсманн Евро-2024 якунига қадар Германия миллий жамоасини бошқаради. У истеъфога чиқарилган Ҳанс-Дитер Флик ўрнини эгаллайди.

Қайд этилишича, Юлиан ва «Бавария» ўртасидаги шартнома бекор қилинган. Мураббий энди Мюнхен клубидан маош олмайди. Унинг миллий жамоадаги ойлик маоши 400 минг еврони ташкил қилади.

Эслатиб ўтамиз, «Бавария» март ойида Нагельсманнни истеъфога чиқариб, Томас Тухелни бош мураббий этиб тайинлаганди. Шунга қарамай, Юлиан 2026 йилга қадар белгиланган шартномасига кўра маошни олишда давом этаётганди.