«Астон Вилла» яримҳимоячиси Филиппе Коутиньо фаолиятини Қатар чемпионатида давом эттиради.

«Ад-Дуҳайл» клуби Коутиньо билан шартнома имзоланганини эълон қилди. Бразилиялик яримҳимоячи ижара асосида «Астон Вилла»дан «Ад-Дуҳайл» клубига ўтди. Англия жамоаси футболчини Қатар клубига бир йиллик ижарага беришга қарор қилган. «Ад-Дуҳайл» Коутиньонинг маошини ўз бўйнига олади. 

Аввалроқ, Филиппе «Бешиктош» ва «Бетис»га рад жавобини бергани хабар қилинганди. 

31 ёшли футболчи ўтган мавсум АПЛда 20 ўйинда битта голга муаллифлик қилганди.

Маълумот учун, «Ад-Дуҳайл» ОЧЛ гуруҳ босқичида «Ан-Наср», «Персеполис» ва «Истиқлол» (Душанбе) билан бир гуруҳдан жой олган.