«Барселона» расмий сайти жамоа собиқ футболчиси Деку клуб спорт директори сифатида иш бошлаганини эълон қилди.

«Барса»нинг португалиялик 45 ёшли собиқ ўйинчиси ва клуб ўртасида 3 йиллик шартнома имзоланган.

Деку бу лавозимда Матеу Алеманининг ўрнини эгаллайди. Испаниялик мутахассис 2 сентябрь куни ёзги трансфер ойнаси ёпилганидан кейин лавозимини тарк этади. Унгача улар ҳамкорликда фаолият юритишади.

Эслатиб ўтамиз, Деку 2004-2008 йиллар давомида Каталония клуби шарафини ҳимоя қилган. У жамоа сафида 5та соврин – Чемпионлар лигаси ва икки мартадан Ла Лига ҳамда Испания Суперкубогини қўлга киритган. У футболчилик фаолиятидан кейин футбол агенти сифатида ишлаб келаётганди.